المفتش كرومبو وقول ألو

[center]




اهلا بيكم


النهاردة حصلت حاجه كوميدى خالص


(عائشة ) إشترت 2 كيلو برتقال أبو صرة علشان عندها شوية برد


ولما وصلت بيهم لباب العمارة إفتكرت إنها نسيت تشترى نص كيلو لبن علشان ولادها نور و ندى


وكان واقف أما باب العمارة على الرصيف التاني 3 من اعضاء المنتدى


الأول : (غصن الشجن) اللى كان وايقف بيسمع فى الام بى سري اغنية ريمكس


الثاني : هو( روبى انا) اللى كان واقف بيبيع بوسترات لكاظم الشاهر


والثالث : وهو( مرمر) واللى كان بيشرب عصير قصب فى المحل اللى قدام العمارة


فسابت ( عائشة) كيس البرتقال جمب باب العمارة ورجعت علشان تشترى اللبن


ولما إشترت اللبن ورجعت ملقتش كيس البرتقال




ولما سألت التلاته إذا كان حد فيهم شاف كيس البرتقال بتاع (عائشة) قالوا ..


غصن : أف ..بجد حاجه موش ممكن كيس برتقال ايه وبتاع ايه ..يعنى ينفع كده تخرجيني من المود بتاع الاغنية ..بجد حاجه لا تطاق ..ال برتقال ال .


روبى انا : هع هع.. برتقال ايه اللى انتى جاى تقولى عليه وواجعة دماغنا علشان شوية 2 كيلو برتقال أبو صرة .. لو لاقيتيه هاتى واحدة.. هع هع.


مرمر: لا انا مشفتش اى أكياس برتقال خالص انا واقفة بشرب العصير حتى لسه مخلصتهوش .. تاخدى شوية يا


عائشة

معرفتش مين اللى سرق كيس البرتقال


بس أنا عرفت


لو انتو كمان عرفتو


اتصل على الرقم ده


زيرو اربع اصفار صفرين


وإبقى قابلنى لو كسبت حاجه ..


خلصنا هزار بأه مع أصحابي فى المنتدى اللى بعزهم


طبعا دا هزار بس فى نفس الوقت نفكر شوية فى حكاية( اتصل الان) ويمكن تكسب موش عارف ايه والدقيقة بجنيه ونص من اى موبايل ورقصنى على واحدة ونص لو جنابك كسبت


وفى شكل جديد وإستيل حلو وإعلان لذيذ زى إعلانات المفتش ( كرومبو) اللى عملنا نموذج منها طريقة جديدة ومبتكرة لتشطيب جيوب سعادتك من رصيدك ، يمكن فكرة الاتصال موش جديدة لكن فكرة الاعلان جديدة مما دفع كتير من السذج للإتصال ظنا منهم انهم عباقرة خلاص ووصلوا إلى الجاني وهو نفسه لا يدرى انه حياخد على- لامؤاخذه- قفاه .


وعلشان العملية تباه محبوكة يقولك مع بداية كل حلقة جديدة الفائز فى الحلقة اللى فاتت فلان الفلاني من المنطقة الفلانية ولا انت عارف اصلا إذا كان الكلام ده حقيقى ولا لأ ..هو موش جايز ميكنش اصلا فيه حد بيفوز بحاجه وكله بس سحب من رصيد جنابك .. طب على فرض وخلينا ناس زى الفل نيتهم بيضاء زى فانلة الزمالك وفرضنا إن واحد فاز طب الاختيار ده بيتم على أساس ايه أو زى العالم اللى بتطلع فى التليفزيون ما بيقولوا( أليات الاختيار) ..




يعنى هم مثلا يقعدوا اسبوع يلموا فى مكالمات وفى الاخر ياخدوا أى نمرة وخلاص بدون اى أليات للأختيار .. أيوه المفتش كرمبو لذيذ وبن حلال واعلان اشطه وانا بحبه لكن معنديش استعداد اخسر أى قرش فى عملية انها واثق 100% إنها فى الهوا شاشى


هى المشكلة اللعب على حته الاحتياج عند الناس الغلابة ، وعلشان كده تلاقى كتيره اوي برامج اتصل وإكسب زى برنامج من دول على إحدى القنوات نسبنا من العيال الخنافس اللى بتطلع فى البرنامج ده ونركز فى شوية البنات اللى فيه اللى عاملين فيها مذيعات وواقفين يترقصوا على الاغاني والطبلة ، وواحدة منهم بتطلع بلبس اقل حاجه تتقال عليه انه (فاضح ) وفكرة البرنامج يحطلك شوية حروف تختار منها إجابة السؤال اللى هما بيحطوه وشوف السؤال الروعة ده ( حاجه فى أوضه النوم ؟؟) والناس تتصل اللى يقول مخدة واللى يقول مرتبه واللى يقول دولاب وتقريبا ألوف المكالمات فصصت كل حته فى اوضة النوم ومسبتش اى حاجه وطبعا كلها إجابات غلط لتأتي الاجابة بعد ساعتين او اكتر من البرنامج وهى ( الرسيفر) مع ان اساسا مفيش علاقة بين الرسيفر وأوضة النوم وموش شرط ونادرا ما بيتحط فيها ولا هو يعتبر قطعة من اوضة النوم لكن العملية كلها استغلال للمتفرج اللى طمع انه يكسب اوضة نوم لو جاوب صح ، والعيب موش فى القنوات دي ولا فى البرامج دي لكن العيب فى اللى بيمسك موبيله ويقول ( الووووووو ممكن اشترك معاكم) .


ومتنسوش تقولولى مين اللى اخد البرتقال .




بقلمي
رااااااااااااااااامى

الو الو الو الو وسع وسع وسع مستر كرومبو وصل انا جىىىىىىىىىىىىىىى





تماااااااااااااام يا بيكهام اجبتك صح باررررررررررررررررفو
ودلوقتى يا اصحابى نشوف المسابقة الجديدة

[center]حدثت جريمة قتل يوم 2/3/2002

وكان المتهمون ثلاثة حيث كان المفتش كرومبو يسألهم قائلا لأولهم :

اسمك ايه وكنت فين يوم 2/3 الساعة 8 مساءاً
- محمد وكنت مع زوجتي في السينما وخرجنا بعد انتهاء الفيلم من 7 مساءاً الي الساعة 11 مساءاً

- سأل الثاني نفس السؤال اجاب :
- اسمي عادل وكنت في رحلة مع زوجتي بالاسكندرية علشان عيد ميلادها و دي تذكرة السفر بالقطار
ذهاب 29/2 وعودة 3/3

- سأل الاخير فأجاب :
- مهران وانا كنت محجوز في المستشفي العام اشتباه زائدة دودية

في النهاية عرف المحقق الاتي :
ان محمد طلق زوجته يوم 3/3
وان عادل يعمل في محطة القطار
وان مهران خرج من المستشفي الساعة 7:33 دقيقة مساءا
وبعد تفكير عميق اكتشف ان احدهم الفاعل

فكروا قليلا ثم اخبروني من الفاعل ؟
محمد أم عادل أم مهران
وبالطبع السبب الذي تبرهن به علي ذلك