حتي الحب اللي بتكلم عنه هنا..مش هو الحب اللي حضرتك جربته وقاسيته وحسيت بيه وعانيت فيه واشتكيت منه..
اذا كان قصدك علي الحب اياه .. بتاع الناس ده .. فمعلش...الحب بتاع نجوم اف اخس..و "أنا والنجوم وأفاك".. والمذيع اللميع الفظيع :" ابتسامه نحنوح".... برضه معلش..
الحب المعفن الجربان بتاع البت المفعوصة أم بنطلون ضيق وبادي ملزق..والواد العبيط أبو بنطلون جينس جربان وسطه عند تحت وسطه (وسط البنطلون عند تحت وسط الواد ).. والتي شرت اللي مكتوب عليه (دونكي) .. والشعر بتاع عماد متعب والكوتش بتاع (امينم)... والمشي مع بعض في حتت ضلمة وفاضية..وتسبيل العيون الاستهلاكي والتمثيل اللي ولا تمثيل الوزراء علي الكناة الأولي...والملل اللي في العلاقة اللي ولا ملل جرنان (أنبار اليوم)....
الحب اياه بتاع الكورنيش ورخامة بتوع الورد وغتاتة بتوع اللب ورذالة بتوع المناديل.. والزحمة واستظراف الناس ... ودخان الشوارع وعوادم الميكروباظات وكلاكسات العربيات و أصوات الموتوسيكلات...... لأ لأ .. لست عن هذا أتكلم .. حيث أن من المعروف أن كل عملة لها وجهان ..و أن ده ولا هو حب ولا نيلة ..الحب غير كده خالص..الحب الحقيقي المعروف أنه بينشأ بين شخصين أسوياء .. في ظروف مناسبة .. بأحداث و مواقف تمشي حسب التخطيط والامكانيات .. مع الاستعداد علي أن تحارب أي طرف يحاول انهاء العلاقة أو افسادها بدءا بالأسرة والأهل مرورا بالشرطة والجيش والشعب كمان .. انتهاءا بأي حد شايف نفسه..
الحب الحقيقي هو بتاع الأحلام والمشاعر النزيهة البريئة..وتضحية وشهامة الولد ورجولته السابقه لأوانها..و صبر البنت ومشاركتها وتشجيعها..هو ده الحب .. مش الحب المريض البلاستيك اياه..اللي تلات ترباعه تليفونات والربع الباقي كافيتريات بالمينمم تشارج..
المهم أن الحب الحقيقي ده موجود... أي والله .. موجود....في الخيال العلمي بس.. في الأفلام الهندي وروايات زهور وعبير ..وان في أمل كبيير أنك تلاقيه..صدقني.. انشاء الله هتلاقيه...
لما الديوك تطير والفراخ تولد وتبطل تبيض.. والقطط تاكل شيبسي بالخل...
والأهم أن أس الموضوع هو أن معظم الناس الحلوة في الدنيا فاكرة أن في علاقة فظيعة ووثيقة وأكيدة بين الأتنين بأعتبار أن الحب مشوار طويل أخره الجواز.. وأن الحب كما قال أحمد رجب : هو مرض وراثي جميل ينتهي بالسكته الزوجية...وتسمع العجب .. ده واحد يقوللك: الحب في الجواز..وواحده تقوللك: الحب بعد الجواز..وواحد يتحفك : الحب لما بيكبر بيبقي جواز..وواحده تفحمك:مفيش جواز من غير حب ..وهكذا ...
ولكل هؤلاء الناس الطيبين المساكين المخدوعين أحب أقول لهم : يا جدعان ..العلاقه بين الحب والجواز-بدون التعرض للجوازوتعريفه وأسبابه وأعراضه ومشاكله وعلاجه-هي نفس العلاقة ما بين برشلونة رونالدينهو وايتو .. وكهرباء طلخا علي الناعس وعبد المتجلي هيثم...
فهمت حاجه ؟ ...العلاقة بين الحب (مهما كان شكله ونوعه). والجواز (هو شكل واحد.. بعينه بغباوته وتلامته وشكله العكر).. هي نفس العلاقة بين جوليا روبرتس ..ومرتضي منصور..
نفس العلاقه بين توم كروز أو نيكولاس كيدج .. وأمين الشرطةأبو كرش وعصايه كهرباء..
الحب : هو أن تغامر وتغامر وعقلك حاضر في نفس الوقت..وتحلم وتستكشف وأنت تعرف أنك حتما خسران.. حيث أن شعارك هو كلمة نجيب محفوظ: "ان الذين يحبون.. لا يتزوجون..."
بينما الجواز من الأخر هو أن تتخبط في نافوخك ووتتهطل ..و تقرر وتروح وتتكلم مع الناس
.. وتتكسف..و ... و..و فاتحة وزغاريد وشبكة ومهر ومقدم ومؤخر .. وشقه وقايمة . وفرح
ودي جي وتورته ودخان وسعد الصغير وحكيم .. وشهر عسل معفن في اسكندرية .... وعيال بعد 9 أشهر بالضبط ويمكن 7... وواء .. واء ومستشفي وحفاضات وأدوية ..و "شوف ابنك"
و " هو ابني أنا بس ؟ ".. والحضانة والمدرسة والدروس والكلية ..... والسرطان والقلب اللي هيجولك وتفكر تنتحر يا معلم زي محمود ابو أورة.. ودة واحد صاحبي انتا ماتعرفوش !!!!!
اذا كان قصدك علي الحب اياه .. بتاع الناس ده .. فمعلش...الحب بتاع نجوم اف اخس..و "أنا والنجوم وأفاك".. والمذيع اللميع الفظيع :" ابتسامه نحنوح".... برضه معلش..
الحب المعفن الجربان بتاع البت المفعوصة أم بنطلون ضيق وبادي ملزق..والواد العبيط أبو بنطلون جينس جربان وسطه عند تحت وسطه (وسط البنطلون عند تحت وسط الواد ).. والتي شرت اللي مكتوب عليه (دونكي) .. والشعر بتاع عماد متعب والكوتش بتاع (امينم)... والمشي مع بعض في حتت ضلمة وفاضية..وتسبيل العيون الاستهلاكي والتمثيل اللي ولا تمثيل الوزراء علي الكناة الأولي...والملل اللي في العلاقة اللي ولا ملل جرنان (أنبار اليوم)....
الحب اياه بتاع الكورنيش ورخامة بتوع الورد وغتاتة بتوع اللب ورذالة بتوع المناديل.. والزحمة واستظراف الناس ... ودخان الشوارع وعوادم الميكروباظات وكلاكسات العربيات و أصوات الموتوسيكلات...... لأ لأ .. لست عن هذا أتكلم .. حيث أن من المعروف أن كل عملة لها وجهان ..و أن ده ولا هو حب ولا نيلة ..الحب غير كده خالص..الحب الحقيقي المعروف أنه بينشأ بين شخصين أسوياء .. في ظروف مناسبة .. بأحداث و مواقف تمشي حسب التخطيط والامكانيات .. مع الاستعداد علي أن تحارب أي طرف يحاول انهاء العلاقة أو افسادها بدءا بالأسرة والأهل مرورا بالشرطة والجيش والشعب كمان .. انتهاءا بأي حد شايف نفسه..
الحب الحقيقي هو بتاع الأحلام والمشاعر النزيهة البريئة..وتضحية وشهامة الولد ورجولته السابقه لأوانها..و صبر البنت ومشاركتها وتشجيعها..هو ده الحب .. مش الحب المريض البلاستيك اياه..اللي تلات ترباعه تليفونات والربع الباقي كافيتريات بالمينمم تشارج..
المهم أن الحب الحقيقي ده موجود... أي والله .. موجود....في الخيال العلمي بس.. في الأفلام الهندي وروايات زهور وعبير ..وان في أمل كبيير أنك تلاقيه..صدقني.. انشاء الله هتلاقيه...
لما الديوك تطير والفراخ تولد وتبطل تبيض.. والقطط تاكل شيبسي بالخل...
والأهم أن أس الموضوع هو أن معظم الناس الحلوة في الدنيا فاكرة أن في علاقة فظيعة ووثيقة وأكيدة بين الأتنين بأعتبار أن الحب مشوار طويل أخره الجواز.. وأن الحب كما قال أحمد رجب : هو مرض وراثي جميل ينتهي بالسكته الزوجية...وتسمع العجب .. ده واحد يقوللك: الحب في الجواز..وواحده تقوللك: الحب بعد الجواز..وواحد يتحفك : الحب لما بيكبر بيبقي جواز..وواحده تفحمك:مفيش جواز من غير حب ..وهكذا ...
ولكل هؤلاء الناس الطيبين المساكين المخدوعين أحب أقول لهم : يا جدعان ..العلاقه بين الحب والجواز-بدون التعرض للجوازوتعريفه وأسبابه وأعراضه ومشاكله وعلاجه-هي نفس العلاقة ما بين برشلونة رونالدينهو وايتو .. وكهرباء طلخا علي الناعس وعبد المتجلي هيثم...
فهمت حاجه ؟ ...العلاقة بين الحب (مهما كان شكله ونوعه). والجواز (هو شكل واحد.. بعينه بغباوته وتلامته وشكله العكر).. هي نفس العلاقة بين جوليا روبرتس ..ومرتضي منصور..
نفس العلاقه بين توم كروز أو نيكولاس كيدج .. وأمين الشرطةأبو كرش وعصايه كهرباء..
الحب : هو أن تغامر وتغامر وعقلك حاضر في نفس الوقت..وتحلم وتستكشف وأنت تعرف أنك حتما خسران.. حيث أن شعارك هو كلمة نجيب محفوظ: "ان الذين يحبون.. لا يتزوجون..."
بينما الجواز من الأخر هو أن تتخبط في نافوخك ووتتهطل ..و تقرر وتروح وتتكلم مع الناس
.. وتتكسف..و ... و..و فاتحة وزغاريد وشبكة ومهر ومقدم ومؤخر .. وشقه وقايمة . وفرح
ودي جي وتورته ودخان وسعد الصغير وحكيم .. وشهر عسل معفن في اسكندرية .... وعيال بعد 9 أشهر بالضبط ويمكن 7... وواء .. واء ومستشفي وحفاضات وأدوية ..و "شوف ابنك"
و " هو ابني أنا بس ؟ ".. والحضانة والمدرسة والدروس والكلية ..... والسرطان والقلب اللي هيجولك وتفكر تنتحر يا معلم زي محمود ابو أورة.. ودة واحد صاحبي انتا ماتعرفوش !!!!!
